កម្លាំងប៉ុស្តិ៍រដ្ឋបាលភ្នំពេញថ្មី ឃាត់ខ្លួនជនសង្ស័យចំនួន០២នាក់ ករណីប្រើប្រាស់ខុសច្បាប់នូវសារធាតុញៀន
19-August-2018 | ដោយ ពលមនសិការ
ភ្នំពេញ ៖ នៅថ្ងៃទី១៩ ខែសីហា ឆ្នាំ២០១៨ វេលាម៉ោង០១និង៣០នាទី កម្លាំងប៉ុស្តិ៍រដ្ឋបាលភ្នំពេញថ្មី ឃាត់ខ្លួនជនសង្ស័យចំនួន០២នាក់ ករណីប្រើប្រាស់ខុសច្បាប់នូវសារធាតុញៀន នៅចំណុចតាមផ្លូ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។
លោកវរសេនីយ៍ទោ គួក សុខហ៊ួរ អធិការរងនគរបាលខណ្ឌសែនសុខបានឲ្យដឹងថាជនសង្ស័យ ០២នាក់រួមមានៈទី១-ឈ្មោះ លាង ហោ ភេទប្រុសអាយុ២៦ឆ្នាំ ជនជាតិខែ្មរ មុខរបរមិនពិតប្រាកដ ស្នាក់នៅបន្ទប់ជួល ភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ ទី២-ឈ្មោះ សុខ វណ្ណៈ ភេទប្រុសអាយុ២២ឆ្នាំ ជនជាតិខែ្មរ ស្នាមុខរបរមិនពិតប្រាកដ ស្នាក់នៅបន្ទប់ជួល ភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ ។
វត្ថុតាងដកហូតៈ ម៉ូតូចំនួន០១គ្រឿង ម៉ាកលែត ពណ៌ស ផលិតឆ្នាំ២០១៦ ពាក់ស្លាកលេខភ្នំពេញ1CU-9712, ក្រាមពណ៌សថ្លាចំនួន០១កញ្ចប់ថង់តូច(សង្ស័យជាគ្រឿងញៀន)។
លោកអធិការបន្តថា មុនពេលឃាត់ខ្លួនជនសង្ស័យខាងលើ កម្លាំងល្បាតប៉ុស្តិ៍រដ្ឋបាលភ្នំពេញថ្មី ល្បាតក្នុងភូមិសាស្ត្រដល់ចំណុចកើតហេតុខាងលើ ឃើញជនសង្ស័យចំនួន ០២នាក់ កំពុងជិះម៉ូតូ០១គ្រឿងឌុបគ្នាតាមផ្លូវដោយមានការសង្ស័យកម្លាំងល្បាតយើងហៅជនសង្ស័យឲ្យឈប់ ត្រួតពិនិត្យលើដងខ្លួនឃើញក្រាមពណ៌សថ្លាចំនួន០១កញ្ចប់ថង់តូចដែលជនសង្ស័យឈ្មោះ លាង ហោ កាន់ក្តាប់នៅក្នុងដៃខាងឆ្វេង។ សមត្ថកិច្ចធ្វើកំណត់ហេតុចាប់យកហើយបាននាំខ្លួនជនសង្ស័យទាំង០២នាក់យកមកសាកសួរនៅអធិការដ្ឋាននគរបាលខណ្ឌសែនសុខ រួចឃាត់ខ្លួនតែម្តង។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ3101
- ម្សិលមិញ16391
- សប្តាហ៍នេះ49331
- ខែនេះ164481
- ឆ្នាំនេះ164481
- សរុប20606937